بۆ هەشتی مارس
Wednesday, 13/03/2024, 19:03
2428 بینراوە
دوێنێ:
کە ڕووخان لە مندا ڕەواتە
یا خنکان دەخزێنیتە خەیاڵمەوە
بە سووتانی خەونەکانم
شەوق بەردەدەیتە شەوگارت
کراسێکیی سپیی و
بە باڵای ئارەزوومدا شۆڕ
تۆ پیاوی تەنیاییەکانم نەبووی
پێدەکەنیت و پەتیی هیواکانمت هەڵدەخست!
باڵندە نەبووم
گەرمیانێک نەعرەتەی ئاسمان بم
لە قووڵایی ئایەتەکانی ئازاردا
چەماومە چۆڵاییەکانت/
ئەمڕۆ:
لە بەتاڵەتی دوێنێ
نەوەستاوە من
درەختم ، چاوت لە لقەکانمە؟
ئاسمانێک شین ئەدوێ
ڕووانینێک کۆک کە بە چاوتە
کەروێشکەی هەنگاوم بە زەویندا
لە هەر کەلێنی برینێکمەوە
چڵ دەدا، نوور..........
سنە
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
