سەیرە دونیایەکی

ئەگێڕنەوە کاتێك ئەسکەندەری مەقدوونی بڕیاری هێرشکردنی دا بۆ سەر ئیمپراتۆریی هەخامەنشی دا ، کە لە شەڕی ئەربێلا سوپای داریوشی سێیەمی تێکشکاند و ئێرانی داگیر کرد

بەر لە هێرشەکەی ئەسکەندەر فەرمان دەرئەکات کە هەرچی بەلەم و کەشتی هەیە دەبێ دەستی بەسەردا بگیرێ و بخرێتە خزمەت سوپاکەی بۆ پەڕینەوە لە دەریای ئیجە. 

پیاوێکی هەژار دەبێت بێجگە لە بەلەمێکی بچووك نەبێ هیچێکی تری نیە کە بژێوی خێزانەکەی پێ پەیدا بکات، بەڵام ئەو بەلەمەی ئەو بە فەرمانی ئەسکەندەر دەستی بەسەردا دەگیرێت، چەند هەفتەیەك تێدەپەڕێ و کابرای هەژار توانای نامێنی خێزانەکەی لەو بارە سەختەدا ببینت ، بۆیە لە کۆتایدا بڕیار ئەدات بچێت بە هەر شێوەیەك بۆی بلوێ بەلەمەکەی خۆی بهێنێتەوە 

کە گوایا کەسێك بەلەمێکی دزیوە پەیغام ئەدەن بە ئەسکەندەر

ئەویش فەرمان دەرئەکات کە بە زووترین کات ئەو دزە بگرن و بیهێنن بۆی. 

پاش چەند ڕۆژ کابرا دەگرن و دەیبەنە بەردەم ئەسکەندەر. 

ئەسکەندەر ڕووی تێدەکات و دەڵێت 

شەرم ناکەی دزی ئەکەیت ؟ ئەویش لە من هەی دزی هیچ و پووچ 

کابرای هەژاریش سەرێك تەکان دەدات و لە وڵامدا دەڵێ 

دونیایەکی سەیرە گەورەم 

دەڵێ چۆن" ئەسکەندەر

کابرای هەژار دەلێت

"من یەك بەلەمم هەیە و ئەویش هی خۆمە پێم دەڵێن دز، ئەی ئەگەر وەك جەنابت ئەو هەموو و بەلەم و کەشتیەم بە زۆر ببردایە پێمان دەگووت چی ؟ ئیمپراتۆر "

ماویەکە لە ڕێگەی کەمپینێکەوە بانگەوازی یەکگرتنەوەی حیزبی دیموکرات دەکرێ، بێئەوەی پرسیار بکرێ لە هۆکار و ئەو کەسانەی کە ڕۆڵی سەرەکییان گێڕا لەم جیابوونەوەدا.

ئایا بۆ کەس ناپرسێ ئەوانەی چەندین ساڵە قەوانەی یەکگرتن لێئەدەن هەمان ئەو کەسانە نەبوون بە قەوڵی خۆیان لەتیان کرد.

بۆ بانگەواز بەوە دەست پێناکەن، کە ئەو کەسانەی هۆکاری سەرەکی جیابوونەوەن دەبێ داوای لێبوردنبەکن لە خەڵکی کوردستان بە گشتی و ئەندامان و لایەنگرانی حیزب بە تایبەتی، وە دەبێ لە ئایندەی حیزبی دیموکراتدا هیچ پۆستێکی سەرکردایەتییان پێنەدرێ بۆ ڕێگرتن لە جیابوونەوەیەکی تر. 

بۆ بانگەوازی ئەوە ناکەن، با ئازایەتی ئەوەیان تێدا هەبێ بڵێن هەڵەمان کرد، یان دیسان بە چەپڵە پێشوازییان لێبکەین و مەڕ ئاسا دوای شوان بکەوین.

با بانگەوازی ئەوە بکەین کە بکرێن بە پەنی زەمانە ، بۆ ئەوەی کەس جورئەتی نەبێ جارێکی تر بە هەستی خەڵك یاری بکەن ، یان هێشتا کۆمەڵێك هەن نەیانتوانیوە یان نایانەوێت لە پێستی خزمەتکار و نۆکەر بێنە دەرێ و چەپڵە بۆ ساویلکەیی و گێلی خۆیان لێئەدەن.

پەندێکی پێشینان هەیە دەڵێت. مار جارێ گەستی تاوانی مارە، دووجار گەستی تاوانی مارە ، جاری سێیەم بتگەسێ خوا بتگرێ تاوانی خۆتە.

من لە گەڵ یەکگرتنەوەیەکم کە بە ڕوونی باسی هەڵەکان بکرێ بۆ ڕێگری لە هەڵەی هاوشێوە ؛ە ئایندەدا.

ئەی ئەگەر ئەمجارەش هاتنەوە و بەرەوباوان کران، باشە پێیان بڵێین چی ؟

شۆڕشگێڕ ؟ یا لەتکەر ؟ یا لادەر ؟ یا ڕووڕەش ؟ 

بە ڕاستی دونیایەکی سەیرە