خوێندنگاکان چ داهێنانێکیان فێری کورد کرد..! وه‌ڵامێک بۆ کاک سه‌ردار ستار
Wednesday, 12/08/2009, 12:00
1790 بینراوە
کاک (سه‌ردار ستار) ئه‌ندامی ڕێبه‌رایه‌تی پارتی چاره‌سه‌ری دیموکراتی کوردستان ئاماژه‌ی به هه‌ڵوه‌شاندن کردنی خوێندنگای بارزانی و تاڵه‌بانی کردووه که ووشه‌ی عه‌ره‌بی فاشلی به‌کار هێناوه، واشی نیشانداوه که خاوه‌نی ڕق و کینه نیه له‌به‌رامبه‌ریاندا، کاک نه‌وشیروانیش په‌روه‌رده‌ی خوێندنگای تاڵه‌بانیه و پێی وایه خوێندنگای له‌وان باشتر خوێندگای (سه‌رۆک ئاپۆیه) شایه‌نی باسه خوێندگای (د.عه‌بدولڕه‌حمانی قاسملو) خوێندنگای (عه‌بدوڵڵای موهته‌دی)ــش هه‌یه، ئه‌و خوێندگایانه نزیکایه‌تی و وێکچویی و هاوشێوه‌ییان به‌یه‌که‌وه هه‌یه هه‌موویان کورد کوژی زۆریان داهێناوه که ئه‌نجامه‌که‌شی پارچه پارچه کردنی یه‌کێتی کوردان بووه! شه‌ڕه کورد کوژیه‌کانیش نیشانیان داوه که چ دڕکێکیان له‌ناو چوار پارچه‌ی دڵی کورد و کوردستان چه‌قاندووه، ده‌رباره‌ی خوشکی زۆر زۆر به‌ڕێزم (خوشکه نه‌جیبه عومه‌ر) له سه‌ر ڕه‌خنه گرتن له کاک نه‌وشیروان مسته‌فا، ڕه‌خنه‌م لێ نه‌گرتووه به‌ڵکو ڕه‌خنه‌م له ڕێ و شوێن ناسینی کار و خه‌باتی PKK ه‌و هاوپه‌یمانه‌کانی گرتووه له باشووری کوردستان دا، که ئه‌نجامه‌که‌شی هه‌ژده ساڵه دیاره چه‌نده‌ی زه‌ره‌ر له کورد و کوردستان و PKK داوه، وه‌ک فه‌لسه‌فه‌ی پارتی چاره‌سه‌ریش که فه‌لسه‌فه‌ی سه‌رۆک ئاپۆیه وه‌ک دروشمی یه‌که‌م له پێش کورد و کوردستان و PKK و هاوپه‌یمانه‌کانیه‌وه هاتووه به‌ڵام فه‌لسه‌فه‌ی من کورد و کوردستانه!! له سه‌رووی هه‌موو لایه‌ن و که‌سێکه‌وه‌یه. ده‌رباره‌ی خوێندنه‌وه‌ی نوسراوه‌کانی (سه‌رۆک ئاپۆ) من نوسراوه‌کانی سه‌رۆک ئاپۆ و کاک (جه‌میل بایک)ــم چه‌ندان جار خوێندۆته‌وه و له‌گه‌ڵ هه‌ندێک کادیره باشه هه‌ره به ئه‌زمون و شاره‌زا ڕاکردووه‌کان لێکۆڵینه‌وه‌ی وردی مێژوویم کردووه له‌سه‌ر PKK له ساڵی 1991 بۆ 2004 یش سه‌دان دانیشتنم له‌گه‌ڵ کادیرانی PKK دا کردووه، که من PKK له خۆیان باشتر ده‌ناسم. ده‌رباره‌ی چه‌مکی کارکردنیش که کاک (سه‌ردار ستار) به‌کاری هێناوه هه‌ر له ڕوانگه‌ی فه‌رمایشته‌کانی سه‌رۆک ئاپۆ و کاک جه‌میله‌وه که له نوسراوه‌کانیاندا شیان کردۆته‌وه که پێناسه‌ی چه‌مکی چه‌ته‌گه‌ریه‌تیشیان کردووه له‌ناو PKK دا تیشک ده‌خه‌مه سه‌ر ئه‌و چه‌مکه که من بۆ داهاتووی PKK له‌و چه‌مکه زۆر ده‌ترسم له شه‌ڕی کورد کوژانه‌دا له‌گه‌ڵ پارتی و یه‌کێتی دا به‌کار بێته‌وه. مێژووی چه‌مکی چه‌ته‌گه‌رێتی له ساڵی 1984 ده‌ستپێده‌کات هه‌تا ساڵی 2004 درێژه‌ی هه‌یه که هه‌زاران کوردیان کوشتووه و هه‌زاران کوردیان کردۆته دوژمنی کورد و کوردستان و PKK و ئه‌وانه به‌ناوی خودی سه‌رۆک ئاپۆ و خوێندنگاکه‌یه‌وه کراوه، ناوی سه‌رانی چه‌ته‌گه‌ری هه‌ره باڵای PKK:-
1- جه‌ماله کوێر. 2- ته‌رزی جه‌مال. 3- نۆپاڵمه تین. 4- هۆگــــر. که سه‌ۆک ئاپۆ پێیان ده‌ڵێت چوار چه‌ته‌که. 5- داود. 6- ساری باران. 7- شه‌مدین ساکیک.
8- خه‌لیل ئه‌تاچ ناسراو به (ئه‌بوبه‌کر). 9- عوسمان ئۆجه‌لان ناسراو به (فه‌رهاد). 10- نیزامه‌دین تاش. ناسراو به (بۆتان) ئه‌و سه‌ره چه‌ته گه‌ره هه‌ره باڵایانه‌ی PKK سه‌دان فه‌رمانده‌ی چه‌ته‌گه‌ری خوار خۆیان هه‌بووه، هه‌بوونی 85 هه‌زار گه‌له جاش و میت و ژیته‌م و ئه‌رگه‌نه کۆنی تورکان له باکوری کوردستان دا که پێنج هه‌زاریان له هه‌ر تورکێکی کورد و کوردستان خۆرتر بێناموس تر و بێ ڕه‌وشت ترن له کورد کوژیدا، نیوه‌ی ئه‌و هه‌موو نۆکه‌ر و سیخوره‌ی تورکان ئه‌نجامی کار و کرده‌وه‌ی داهێنه‌ران و درێژه پێده‌ران و پارێزه‌رانی چه‌مکی چه‌ته‌گه‌رێتی ناو PKK بووه، که (بۆتان) ڕێبه‌رایه‌تی کردووه. سه‌رۆک ئاپۆ ناوی (ماوت ستیتۆنگی) کوردانی له بۆتان نابوو.
له ساڵی 2004 دا ڕیزه‌کانی PKK له هه‌موو ئه‌و چه‌ته‌گه‌رانه پاک بۆوه به‌ڵام به‌و واتایه نیه کاریگه‌ری و پاشماوه‌که‌یان له ڕه‌گ و ڕیشه‌وه هه‌ڵکێشرا بێت، کاک نه‌وشیروان و سه‌رانی باڵه‌که‌شی بێبه‌ش نه‌بوون له‌و چه‌مکه چه‌ته‌گه‌رێتیه که شه‌ڕه کورد کوژیه‌کان زۆر خه‌ڵکی تێوه گلاندووه و به سه‌ری دا سه‌پاندووه و هه‌شبووه خۆی ئاره‌زووی لێبووه، بۆ هه‌ر که‌سێکی کورد و کوردستان په‌رستی ڕاسته‌قینه ئه‌و جۆره کار و کرده‌وانه جێگای سوک و چرووکی و ڕسوای و بێ ئابڕووییه‌کی هه‌ره گه‌وره‌ی نه‌ته‌وه‌یی و نیشتیمانیه هیچ پاساوێکیش ناهێنێته‌وه بۆ ڕه‌وایه‌تیدان به‌و چه‌مکه چه‌ته‌گه‌رێتیه کورد کوژیه ، وه جارێ خوێندنگای کاک نه‌وشیروان مسته‌فاش تاقی نه‌کراوه‌ته‌وه تا بزانین چه‌نده له‌گه‌ڵ به‌ڵێن و په‌یمان و موژده‌ی گۆڕان و چاکسازی و پاکسازییه‌که‌یاندا ڕاست ده‌که‌ن و کاری پێ ده‌که‌ن که له ڕاستی دا ئه‌و جه‌ماوه‌ره توڕه و بێزار و ناڕازیه‌ی له پارتی و یه‌کێتی که چۆته ناو لیستی گۆڕانه‌وه له‌گه‌ڵ خودی کاک نه‌وشیروان مسته‌فا دایه، نه‌ک له‌گه‌ڵ سه‌رانی باڵه‌که‌ی چونکه حاشا له‌وه ناکرێت که کاک نه‌وشیروان ده‌ست و داوێن پاکێکی زۆر گه‌وره‌یه که ئه‌وه‌ش تایبه‌تمه‌ندیه‌کی زۆر گه‌وره‌یه ده‌توانێت ڕێز و خۆشه‌ویستی و باوه‌ڕ و متمانه به خۆی ببه‌خشێت له گه‌له‌وه.
- ڕانــیــــه
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
