لە مان ومردنی جەلال تاڵەبانیدا تەنها مەسعود بارزانی سوودمەندو زەرەرمەندی یەکەمە

Saturday, 05/01/2013, 12:00

3108 بینراوە

دەنگۆیەک هەیە لەوەی، کە تێکچوونی باری تەندروستی ئەمجارەی جەلال تاڵەبانی، هەولێکی ئێران بووە، بۆ لەناوبردنی، وەکوو لە ناوبردنەکەی یاسرعەرەفات، لە لایەن ئیسڕائیلەوە. هۆکاری جەڵتەکەی تالەبانی، گوایە ئەو دەمەقاڵیە بووە،کە لەگەڵ مالیکدا ڕوویداوە! دوای ئەوەی کە، جەلال تاڵەبانیش دەگوازنەوە، بۆ نەخۆشخانە، تەنها پاش چەند خولەکێک، لە گەیاندنی بە نەخۆشخانە و، لەمکاتە هەستیارەدا، تاکە کەسێک، کە بەشوێنەکەی زانیووەو، ئاگادار بووە، لەم ڕووداوە، تەنها پەیامنێری، کەناڵە، تی ڤیە،عەرەبیەکەی (ئەلعالەمی) ئیران بووە،کە لە نەخۆشخانەکەشدا، تەنها دە هەنگاوی مابووە، بگاتە ئەو ژوورەی، کە جەلال تاڵەبانی لێخەوتووە!! لێدوانەکانی بەغداو، یەکیەتی نیشتمانیش، لەسەر جەڵتەکەی جەلال تاڵەبانی، جگە لە پەردەپۆشکردن و، شاردنەوەی ڕاستیەکان، شتێکی ترنەبووە. پاڵاوتنی سیخوڕە، ماوەبەسەرچووەکان و، لە ناوبردنیان، یاساو ڕێسایەکی بنەمایی زیندووە،لە کاری سیخوڕیدا. ئەوکەسانەی کە دەخزێنە ناو ئەم کارەو، دەبنە سیخوڕ، هەر لەسەرەتایانەوە چارەنووسیان، مەحکومە بە مردن، بەڵام وەستاوەتە سەر کات و، شوێنی دیاریکراو. دەزگا سیخوڕیەکان، هەمیشە کار لەسەر ئەوە دەکەن، کە تا ئەوپەڕەکەی سوود، لە ژیان و مردنی، سیخوڕەکانیان وەربگرن، بۆ خزمەتی بەرژەوەندیەکانیان، وەک چۆن لە ژیانیاندا، قەیران و، ڕووداوی گەورەیان پێدروستدەکەن و، کاری گەورەیان پێئەنجامدەدەن، مەرگ و، مردنیشیان بە هەمانشێوە، دەکەنە قەیران و ڕووداوی گەورەو، سوودی لێوەردەگرن. لە ناوبردنی جەلال تاڵەبانیش، وەک سەرکردەیەکی سیاسیی ماوە بەسەرچوو، لە لایەن ئیتلاعاتی ئێرانەوە، دەکاتەوە ناو هەمان خانەو، میتۆدی سیخوڕیەت، لە سیاسەتی ئێرانیدا، بۆ دروستکردنی قەیرانێکی سیاسی تر، کە دەچێتەوە ناو بازنەو ڕیزبەندەی، تێکڕای ئەو قەیرانە سیاسیانەی، کە بە ئانقەستدروستیکردوون، لە عیراق و کوردستاندا. دەزگای سیخوڕی ئیلاعاتی ئێران، لە عیراق و کوردستاندا،دەمێکە پێشوەخت، هەموو کەرەستەو ئامرازەکانی، دروستکردنی قەیرانەکانی هەڵبژاردووەو، نەخشەشی بۆ داڕشتووە. شێوازو، کات و شوێنی، ئەو جۆرە قەیرانە، سیاسیانەشی، کە لە ئێستاکەدا، دەیانخاتەگەڕ، ڕاستەوخۆ پەیوستەو، گرێدراوە، بە گۆڕانکارییەکان و، هەڵچوون و، داچوونی ڕەوشی سیاسی ڕژیمەکەی بەشار ئەسەد. هەرچەندیش بەشار ئەسەد، لە ڕووخان و تێچوونیدا نزیکبێتەوە، ئەوەندەش، شێوەو قەبارەو، قورسایی قەیرانە سیاسیەکانی، ناو عیراق و کوردستان، دەگۆڕدرێن و، گەورەتر دەبن، بۆ زیاتر خافڵکردن و، بەلاڕێدابردنی، گەلانی عیراق و، کوردستان، لە هەوڵ و، داواکارییەکانیان، بۆ گٶڕان و چاکسازی و، دوورخستنەوەیان لە ڕاپەرین! ئەوەشمان لە بیرنەچێت، ئەو ڕەوشە سیاسیە هەستیارەی، کە ئێستا ناوچەکەی، پێدا تێپەڕ دەبێت، بە تایبەتیش ڕەوشی سیاسی سوریا، وایکردووە، کە ئەمریکاو ئێران، بۆ پاراستنی بەرژەوەندیەکانیان ڕێکبکەون، لەسەر سیاسەتی، خافڵکردن و، خەریککردنی گەلانی عیراق و، کوردستان، بە شتی لابەلا، بۆ هێشتنەوەی ڕەوشی سیاسی باو، وەکوو خۆی و، ڕێگەگرتنیش، لە هەر هەموو، رووداوو، گۆرانکارییەکەی چاوەڕواننەکراوی دژ، بە بەرژەوەندیەکانیان.
باسەکەی ئێمەش، ژیان و مەرگی جەلال تاڵەبانی و شوێنەکەیەتی، لە ڕووداوە سیاسیەکان و، گٶڕانکارییەکاندا، باس لە سوودمەندەکان و، زەرەرمەندەکانە، لە مان و نەمانیدا، باسی کەسێکە، کە هەم ڕێخۆشکەرو کاریگەرە، لە بەرەو پێشوەچوونی کۆمەڵگاو، گۆران و چاکسازیدا، هەمیش ئاستنەگ و ڕێگرو، بەربەستە. کاتێکیش، کە باسی کەسایەتیەکی سیاسی، لەم جۆرەو، قەبارەیەشدا دەکرێت، دەبێت ڕاشکاوانە، هەقیقەتەکان بوترێت، هەروەها، لە سەر هەمووشمان پێویستدەکات، هەرچی ڕاستیە تاڵەکان هەیە، فێری گوێلێگرتن و، ووتنیان ببین، بۆ ئەوەی بتوانین ئاییندەمان، بەشێوەیەکی ئاقڵانەترو زانستیانەتر، دیاریبکەین، بە دووور، لە درۆ، لەگەڵ خۆکردن و، خۆهەڵخەڵەتاندن، وەک سامۆئیل جۆنسۆن دەڵێت:" بۆ ئەوەی هەمووان فێری هەقبێژی بن، دەبێت فێری گوێلێڕاگرتنی بن" کارێکی مەحاڵە تا سەر، هیچ کەس و، لایەنێک بتوانیت ڕاستیەکان بشارێتەوەو، ڕێگریکردنیش بکات، لە دەربڕنیان. یەکێک، لە هۆکاری گرێکوێرەکانی، مانەوەو نەگەیشتمان، بە ئامانجەکانی خۆمان و، پێکۆڵکردنمان، لەبازنەی، بەتاڵی بێئومێدیدا، ئەوەیە، کە فێرنەبووین، بە بە بێترس و، ڕاشکاوانە، ڕاستیەکان بڵێین. ئەمڕۆکەش، لە هەموو کاتێک زیاتر پێویستمانە، بچینە ئاستێکی پێشکەوتووترو، بەرزتر، بۆ گەڕان بەدوای ڕاستیەکاندا، بە تایبەتیش، بۆ ئەندام و، کادێرو، لایەنگران و، دۆستەکانی یەکیەتی نیشتمانی، ئەگەر بۆ جارێکیش بێ، دەبێت ببن بەو پیاوە، کە چیتر نابێت، لە ئاستی ڕاستیەکاندا، ملکەچ و سەرداخەربن. دەبێت ببنە ئەو پیاوە هەقبێژانەی، کە نوسەرو فەیلەسوفی ئەمریکی، ئان ڕێند، باسیاندەکات و دەڵیت:" ڕاستی بۆ هەموو پیاوێک نیە، بەڵام تەنها بۆ ئەوانەیە کە بەدوایدا دەگەڕێن" جەلال تاڵەبانی، لە ڕووی تەمەن و کاتەوە، کەسێکە، لە قۆناغی کۆتایی، ماوە بەسەرچوونیدا ئەژیت، خۆ ئەگەر ئەمجارەشیان زیندوویکەنەوە، هەرنابێتەوە ئەم جەلال تاڵەبانیەی، پێش جەڵتەکە. لێرەدا پرسیاری ڕاست و، دروست و، ڕاشکاوانە ئەوەیە، ئایا مردنی جەلال تاڵەبانی، سوود و قازانجی زیاترە، بۆ میللەتی کوردو،بزوتنەوە ڕزگاریخوازەکەی، بە تایبەتیس بۆ یەکیەتی نیشتمانی کوردستان، یان مانەوەی لە ژیاندا؟!
بەش بە حاڵیخۆم، خوازیاری مەرگی هیچ مرۆڤێک نیم، بە جەلال تاڵەبانیشەوە، بەڵام وەکوو فکرو سیاسەتەکەی، خوازیاری ئەوەم، کە هیچ ئاسەوارێکی نەمێنیت، لە تەواوی بزوتنەوەی ڕزگاریخوازی گەلی کوردا. دیسان بۆ تاڵەبانی وەک مرۆڤێک، هیوای تەمەندرێژیشی بۆ دەخوازم، وە زۆر ئاواتە خوازیشم نەمرێت، تا ئەوکاتەی دەبردرێتە بەردەم داداگای گەل و، لەسەر هەموو دڵۆپە خوێنێکی، کە لەکوردکوژیدا، بە هاوکاری بنەماڵەی بارزانی کورد کوژو خائین، ڕشتوویەتی دادگایی بکرێت. وە لێرەشەوە، داوا، لە هەموو خەڵکانی ئازادیخوازو، دیموکراسی و، گۆڕانخواز دەکەم، بپاڕێنەوە، لە خودا، کە نە جەلال تاڵەبانی، وە نە مەسعودی مەلا مستەفا بارزانی کورد کوژ، هیچکامێکیان، نەمرن و، هەر تەمەن درێژبن، چونکە مردن بۆ ئەوانە، گەورەترین خەڵاتە، کە ڕزگاریاندەکات، لە سزاو، دادگای گەل. وەرن خەڵکینە، بەتایبەتیش ئێوە جەلالیەکان، با بە خێرایی چاو بگێڕینەوە، بە مێژووی سیاسی جەلال تاڵەبانی و، وێستگەکانی، بابزانین لە کوێ و، کام شوێن، کارێکی چاکی کردووە، بۆ یەکڕیزی میللەتی کوردو، تەبایی و دیموکراسی؟ جەلال تاڵەبانی، یەکێک بوو، لە تاقمی ئەو بەربووکانەی، کە مەلا مستەفا بارزانیان، لە ڕوسیاوە هێنایەوەو، سەرکردایەتی سیاسی بزوتنەوەی ڕزگاریخوازی کوردیشیان، خستە ژێر دەستی. مەلا مستەفای کۆلەوارو نەزانیان، بە بنەماڵەکەیەوە، کرد بە کەڵەگا، بەسەر میللەتی کوردا، پاشانیش لێیان جیابۆوە. هەر لەو ڕۆژیشەوە، تا ئەمڕۆکەشی لەگەڵدابێت، نزیکەی پێنج دەهەیە، بە بێپچڕانەوە، لەگەڵ ئەم بنەماڵەیە، برا ئاسا،بەیەکەوە کوردیان کوشتووە. دوای ئاشبەتاڵیش، جەلال تاڵەبانی، هەر لە سەرەتای دامەزراندنی یەکیەتی نیشتمانیەوە، تا دەگاتە، ئەم جەڵتەی ئەمڕۆکەی، هیچ ڕۆژێک نەیهێشتووە، ناوەخۆی یەکیەتی، جێگیر بێت و، بێ ململانێ و، کێشەی، شەخسی بێت. هەر لەسەرەتاوە لێنەگەڕا، کۆمەڵەو، بزوتنەوەو، خەتە پانەکەی خۆی، بەشێوەیەکی ئاسایی و دیموکراسیانە، لە چوارچێوەی یەکیەتیدا، گەشە بکەن و، یەکیەتیش وەکوو نیمچە بەرەیەک، بەهیزترو، فراواننتر بێت. ئەو هەموو لێکجیابوونەوانەی، بە یەکیەتی کرد، تەنها لە پێناوی بەرژەوندی تاکە، کەسی خۆیدا!! فەرموون جەلالیەکان، بازانین لە کوێی ژیانی سیاسیدا، بە هاوکاری بنەماڵەی مەلامستەفای ئاشبەتاڵچی، کورد کوژی نەکردووە؟ لە کام وێستگەو، هەڵوێستی ڕابردووی ژیانیانیدا، خاک و، خوێنی کوردو، ئەو کەسانەی، کە هەر لە دەستپیکەوە، بە بنەماڵەی بارزانی، بە کوشتنی داون، بە ڕووبارە، خوێنەکەی، شەهیدانی یەکیەتیشەوە، نەکردۆتە قوربانی، خۆپەرستی خۆیی و، باڵا بوونی ناوو، کەسایەتیەکەی؟! یەکیەتیەکان ئێوە، ئەو کەسانەی دوای بنەماڵەی بارزانی کەوتوون، بە کۆیلەو، گەمژەو، نەزانیان دائەنێن، ئەوەتا جەلال تاڵەبانیەکەتان، بۆ بەرژەوەندی خۆی بنەماڵەکەی، لە دزی و تاڵانی، بە ئیتیفاقی سەرشۆڕی ستراتیژی، تەواوی ئێوەی یەکیەتی نیشتمانی، کردۆتە جاش و، کۆیلەی، کۆیلەکانی، بنەماڵەی بارزانی! تالەبانی، پێش رۆحکێشانی خۆی و، مردنی، ڕۆحی یەکیەتی نیشتمانی کێشاوەو، مراندوویەتی، کفن و دفنیشی، کردووە، تەنها ئەوەندە ماوە، یەکیەتیش، هەر لەگەڵ تەواوبوونی خۆیدا بنێژرێت. سەیرکەن، لەمکاتە هەستیارو کاریگەرەدا، سەرکردایەتی و، مەکتەب سیاسیەکەی یەکیەتی چەندە بودەڵەو، دەمچەفتن، پیاوێکی ئازایان، تیا نیە، لە ئاستی بەرپرسی، مێژووی تێکۆشان و، خوێن و، خەباتەکەیدا بێت، پیاوێک نیە بتوانیت، ئەو ڕێڕەوە، چەوت و، مونحەریفانەو، خیانەتکارانەی، یەکیەتی ڕاستبکاتەوە. هەر هەموو، تاقمە دزو تاڵانچیەکانی، ناو یەکیەتی، دەستیانداوەتە، چەقۆی تیژو، کەوتوونەتە کەولکردن و،بڕینەوەی یەکیەتی. ئەوانە ئامادەن، تەنها بۆمانەوەی خۆیان و، دەستکەوتەکانیان، لە دزی و تالانی، یەکیەتی نیشتمانی، بە تەواوەتی لە ژێر کەوشەکانی مەسعود بارزانی، کورد کوژدا، سەرببڕن، لە جیاتی ئەوەی بێن، یەکیەتی نیشتمانی ڕزگارکەن و، پاکیکەنەوە، لە جاشایەتی و ملکەچی، بنەماڵەی مەلا مستەفای بەزیودا. دەڵێن: کۆسرەت ڕەسوڵ، پیاوە هەرە ئازایەکەی یەکیەتیە، بەڵام بەم پێشوازیکردنەی لە مەسعودو، کاتێکیش لە کۆبونەوەی، مەکتەبی سیاسی، لەسەر کورسیەکەی جەلال تاڵەبانی، دائەنشینێت، ئەو دیمەنە نزم و هەزیلە، دەریدەخات، ئەو ئازایەتیەی کۆسرەت، کە باسی لێوەدەکەن، بە دەست و مستی خۆی نەبووە، بەڵکو پیاو کوژەکانی دەوروبەری بووینە، پیاو کوشتنیان، بۆ کۆسرەت، کردۆتە نازناوی ئازایەتی. ئەگەر بەراستی کۆسرەت ڕەسول کەسێکی ئازا بووایە، ئەوا دەبوو، ئەوکاتەی، کە لە دائیرەی ئەمنی بەعسیەکان دەستگیرکرا، وەکوو هەڤاڵەکانی، لە سێدارە بدرایە، نەوەک ئازاد بکرێت و، ساغ و سەلیمیش، بێتە دەرەوە! ئاخر کۆسرەت ڕەسول، ئەو مەسعودە خائینە، هیچ حیسابێک، بۆ تۆ ناکات، هەر بە بەشەریشت نازانیت، ئەو چەند ساڵەی ڕابردوو، چ بێڕیزی و سووکایەتیەک ماوە، بە تۆی نەکات؟ کەچی تۆش دێیت و، مەسعود، دەخەیتە شوێنی جەلال تاڵەبانی، لەناو مەکتەب سیاسیەکەی یەکیەتی نیشتمانیش!! کۆسرەت ڕەسوڵ، پێشمەرگایەتیت بەدزی دەستپێکرد، ئێستاش یەکێکی لەهەرە دزو تاڵانچیە گەورەکانی کوردستان، مەعقولە بتوانیت، لەبەردەم مەسعودێکی گەمژەو کڵۆڵدا، جگە لە کۆیلەیەکی سەرداخەر، شتێکی تر بیت؟! ئەندام و، کادیرو، کەس وکاری شەهیدەکان و، لایەنگران و، دۆستانی ڕاستەقینەی فکرو، پەیامی یەکیەتی نیشتمانی کوردستان، کاتی ئەوە هاتووە، هەروەک چۆن، نەوشیروان مستەفاو هەڤاڵەکانی، خۆیان لە مێژوو، سیاسەتی جەلال تاڵەبانی پاککردوەو، ڕەتیانکردەوە، ئێوەش هەمان هەنگاو بنێن، بۆ خۆ پاککردنەوەو، ڕزگارکردنی فکرو پەیامی، یەکیەتی نیشتمانی. کاتی ئەوە هاتووە، لەگەڵ بزوتنەوەی گۆڕان، ببنە بەرەیەک و، سەنگەرێکی بەهێزیش، دژی گەندەڵی و، دزی و تالانی، بنەماڵەی خائینی، مەلا مستەفای بەزیو، دروستبکەن و، لە سیاسەتی کوردیشدا، وەدەریان بنێن. ئەمڕۆکە مەسعودی سیخوڕ، بەو جەڵتەی جەلال تاڵەبانی، زیڕەی کردووە، لە هەموو کاتێک زیاتر، تۆقیوە، لە ترسی، یەکگرتنەوەی، شۆڕشگێرە ئادیخوازو، بە ئەمەکە، ڕاستەقینەکانی، یەکیەتی و گۆڕان.
چوونی مەسعود، بەم هەموو جڕو جامشتەیەوە، بۆ سلێمانی، لە پیاو چاکی و، نیەتپاکیدا نەبوو، بەڵکو، لە ترسان بوو، تەنها بۆ ئەوە چوو بوو، کە لەگەڵ، تاقمە دزو تاڵانچی و، جاشەکانی خۆیان، لەناو سەرکردایەتی و، مەکتەبی سیاسی یەکیەتی، ڕێکبکەون، لەسەر ئەوەی نەهێڵن، هیچ نزیکبوونەوەیەک ببێت، لە نێوانی گۆران و یەکیەتیدا، چونکە مەسعودی خائین، زۆر باشدەزانێت، کە لەناو یەکیەتیدا، تا ئێستا خەڵکە زۆرینەکە، نەوەک هەر حیسابی، بۆ ناکەن، بەڵکو هەر بە بەشەریشی نازانن. مەسعودی جاسووس و بنەماڵەکەی، بەو ڕاستیە، ڕەهایە دەزانن، کە لە دوای مردنی، جەلال تاڵەبانی، هیچ کەسیان نامێنێت. بنەماڵەکەیان، بە مردنی مەلا مستەفا، زیاتر قازانجیان پێگەیشت و، هیچ زەرەرێکیان، نەکرد، چونکە جەلال تاڵەبانیان هەبوو، بەڵام ئێستاکە، بە مردنی تاڵەبانی، کاکڵی ڕۆح و، هێزی نەهێنی باڵا دەستبوون و،مانەوەیان، لە دەستدەدەن. تا ئێستا بە جەلال تالەبانیەوە ماون، نەمانیشی، کۆتایی بنەماڵەکەیانە. ئەوەتا هەر، لەو ماوەیە کورتەی غیابی تاڵەبانی، لە ترسی نزیکبوونەوەی، یەکیەتی و گٶران، مەسعودی کۆلەوار، وەکوو بزن، هەموو عەیب و عارەکانی خۆیانیدەرخست، چیتر ناتوانن، بە درۆکردن و، چەواشەکاری بیبەنە سەر، هەر لەو ترسەیان، ئەو قەیرانانەی ، کە هەر لە سەرەتای، ئەو تەنگژە سیاسیەی ئەمڕۆکە دروستیکردن، ئێستاکە، هەمان قەیرانەکان، پێچەوانە دەکاتەوە، لە جیاتی متمانە وەرگرتنەوە، لە مالیکی و، پێکهێنانی حکومەتێکی نوێ و، کارکردن، بە دەستوور، وا خەریکە، لەگەڵ مالیکی پێکدێتەوەو، تەنازولی بۆ دەکات، لە هەموو شتێک. ئەمەش لە کاتێکدایە، کە ئێستاکە، خۆ پێشاندانی جەماوەری، دژی مالیکی دەستی پێکردووە!! باشە مەسعودی خێڵەکی، کوا ئەم هەموو کەش و فشەیەی، لادانی مالیکی و، ڕاگەیاندنی دەوڵەتی کوردی، چیان لێهات؟ فەرموو ئەوە مەیدان، چاکترین هەلت بۆ ڕەخساوە، لەوەی کە خەڵکانی کوردستان، هەمیشە بە درۆزنیان زانیویت، ئێستاکە بیسەلمێنیت، کە درۆزن نیت، دە فەرموو، ئەگەر ئەو قارەمانەیت، تۆش ڕاپەڕینی سەرتاسەری لە کوردستان دژ بەمالیکی ڕابگەیەنە، بۆ هەڵبژاردنیش ڕێکلامێکی چاکە بۆ خۆت، گەر جورئەتت هەیە!! نەوشێروان مستەفا، ئێستاکە پڕۆسەی بەرەوپێشەوە چوونی کۆمەڵایەتی و، فکری و، سیاسی ، کۆمەڵگای کوردی، لە چرکە سساتێکی زۆر هەستیاری مێژووییدایە، ئێستاکە خودی کۆمەڵگای کوردی، لە ژانیکی گەورەی، لە دایکبوون و، نوێبوونەوەدایە، لەمکاتەیدا پێویستی بە، مامانێکی، کاراماو لێزانە، بۆ ڕزگاربوونی. ئەو چرکە ساتانەش، بەرپرسیارەتیە، لە مێژوودا. نەوشێروان، تەنها دوو ڕیگات، لە بەردەمدایەو، سێیەمینیانیت نیە، هەر هەموو مێژووەکەشت، لە پاکی و، دڵسۆزی و، فکرو، سیاسەت و، ماندوو بوونت، لەسەر سەنگی مەحەکدایە، بۆ سەلماندن، لە بەرامبەر تەواوی خەڵکانی کوردستان، بە هەموو چین و، توێژیەکانیەوە، لەوەی کە ئایا ڕاستگۆیت، لەگەڵ بەرنامەو پەیامەکەی بزوتنەوەی گۆڕان، یان نا؟ ڕێگای یەکەم بێیتە ناو شەقام، بۆ سەرکردایەتی راپەڕین و، شەری پیرۆزی، دژ بە مەلایی و، جەلالی داگیرکەر، بۆ ڕزگارکردنی کوردستان. دووەمیشیان، لەگردەکە دانەبەزیت و، ببیت بە کۆپیکەی تری، زۆر قێزەوەن و، ناشرینی، مەلایی و جەلالی. دواشتیش لێرەدا، بیرخستنەوەی یادەوەرێێکە، بە جەلال تاڵەبانی و، پرسیارێکیشی لێدەکەین، کە دەبێتە پەندێکیش، بۆ هەموو، بەناو پیاوە، سیاسیە، دزو تاڵانچیە نزمەکانی کورد. جەلال تاڵەبانی کاتی لەشاخ بوویت، لە ترسی هێرشی کۆپتەرەکانی ڕژێمی بەعس، خۆت لە(کونە ژاژی) حەشار دەدا، کونە ژاژیش، پارێزگاری لە جەستەو ڕۆحت دەکرد، لە هەمانکاتیشدا، سەروەری و، خۆڕاگڕی و، سەربەزیشی پێدەبەخشیت. کە لەشاخ بویت، هەرکاتێک هەواڵی شەهید بوونی، پێشمەرگەیەکیان پێرادەگەیاندیت، دەتووت:" ئەویشان قنگی کردە ڕەشەبا" باشە ئێستاکە لەسەر جێگایت و، مەرگیش بەرۆکی پێگرتوویت، ئائا خۆشی و شیرینی ژیانت بۆ ڕوونبۆتەوە؟ بۆت ڕوونبۆتەوە، ئەو هەموو کەسانەی کە بەکوشتنتدان، ئەوانیش، ژیانیان خۆشدەویست و، کەس و کاریشیان هەبوو؟ ئێستاکەش لەو ململانێیەت لەگەڵ ئیزڕائیل، ئەگەر سەرنەکەوتی بڕیاڕی چیتداوە، تۆش.... دەکەیتە ڕەشەبا، یان دەیکەیتە دۆلارەکانی، دزی و تاڵانیەکەت، لەم میللەتە، کە ئەگەر هەموو دۆلارەکانی دونیاشی بخرێتە سەر، بەدەرت ناخوات؟! هیواداریشم نەمریت...!