داعش و تێکدانى هاوکێشەى ململانێکان..ئەمریکا وەک سەنتەرى مانەوەى داعش

Tuesday, 23/12/2014, 12:00

1384 بینراوە

پێش ئەوەى بچینە ناو خوێندنەوەکەوە ، دەکرێت کۆمەڵێک پرسیار لە خۆمان بکەین:
1. بەهارى عەرەبى چى لە گۆڕەپانى سیاسى و ئابورى و کۆمەڵایەتى و فەرەهنگیدا گۆڕى.
2. ئەو بۆشاییە سیاسیە چى و چۆن بوو ، کە داعش تێدا سەرى هەڵدا.
3. داعش چۆن بوە میراتگیرى قائیدە.
4. داعش چۆن سودى لە ململانێکان بینى.
5. دەرکەوتنى داعش چۆن هاوکێشەى ململانێکانى ڕۆژهەڵات بە تایبەت و جیهانى گۆڕى.
6. تورکیا کەوتە کوێ ى ئەم یارییانەوە و ئایا یارچییەکى سەرکەوتو بوو یان یارچییەکى خڵەفاو.
7. وڵاتانى عەرەبى دەکەونە کوێ ى یارى چوارگۆشەى ئێران تورکیا ئەمریکا و داعش.
8. پێشمەرگە و گەریلا یاریچى سەرەکین یان وەک کارتى نمایندەى جیهانى وێنا دەکرێت.
9. دابەزینى نرخى نەوت و وڵاتانى ئۆپیک و ململانێ لەگەڵ ئێران گوشار بۆ سەر ئەمریکا ،چییە و چۆنە.
10. ئەو تاکتیک و سیناریۆیانە چێن کە بزوێنەرى ئەم گۆڕانکارییانەن.
هەموو ئەمانە و چەندین پرسیارى تر دەکرێت لە خۆمانى بکەین سەبارەت بەو گۆڕانکارییانەى کە زۆر بە خێراى دەگوزەرێن ، خۆ ئەگەر تورکیا گڵۆپى سەوزى بۆ هەڵکرا بێت لە لایەن وڵاتانى ئەوروپى و ئەمریکى و ناتۆ وە سەبارەت بە ڕوبە ڕوبونەوى داعش ، ئەوا ئێستا دواى ئەوەى داعش بەرەیەکى جیهانى دژى وەستاوە دەکرێت تورکیا یارییەکە بگۆڕێت ، سیاسەتى دوفاقیانە بەکار بهێنێت ، ئەمریکاو ئەوروپاش لەوە دەترسن سەرزەمینێکى جوگرافى نەهێڵنەوە بۆ داعش تا نمایشى خۆى تێدا بکات ، ئەو کات سەکۆى شەڕەکان بگوازێتەوە بۆ قوڵاییەکانى ئەوروپا و ئەمریکا(سەرەتاکانى خەریکە دەردەکەون تەقینەکانى ناو وڵاتى سوید) ، ئەوا سیناریۆى هێشتنەوەى داعش بە لاوازى جۆرێکە لەو تاکتیکەى کە نەهێڵن داعش لەوە زیاتر گەشە بکات و وە نەهێڵن بە تەواوەتى لەناو بچێت ، واتا شۆێنێک بۆ داعش بە کراوەى بهێڵنەوە تا نمایشى بەرنامەکانى خۆى تێدا بکات ، کە توند و تیژییە ،بۆ ئەوەى ئەم توندو تیژییە نەگوازرێتەوە بۆ وڵاتە کراوەکان ، کە بە سیاسەتى کورەى هەنگ ناسرا بوو ، ئەمەش ئەوە دەگەیەنێ کە ئەمریکا و ئەوروپا و ناتۆ سەنتەرى مانەوەى داعش دەبن....وەک خۆیان دەڵێن ئەم شەڕە درێژە دەکێشێ (وەک خۆیان بۆ ماکیاژکردنى سیناریۆکانیان بەردەوام دەیڵێنەوە) ، لە لایەکى ترەوە دابەزینى نرخى نەوت و پێداگرى وڵاتانى عەرەبى لەسەر کەمنەکردنەوەى هەناردەکردنى نەوت ، جۆرێکە لە ترس لە نزیک بونەوەى ئەمریکا و ئێران ، لەلایەکى ترەوە کوردەکان وەک هێزى پێشمەرگە و پەکەکە و پەیەدە کە پێداویستیەکى زەمینى تەواوکارى ستراتیژى سەربازى ئەمریکین ، تا ئێستا ئەگەر بەرگرى بۆبێت لە خاکى کوردان لە کۆبانێ و شەنگال و جەلەولا ، ئەوا دواى سنورەکانى کوردستان دەبێتە کارتى بەکارهێنراو... ئەگەر کوردەکان نەتوانن ئەم یارییە سەربازیە وەک کارتێک بۆ بەرژەوەندى نەتەوەیى خۆیان بەکاربهێنن ، خۆ ئەگەر وا نەبێت ، ئەوا دەکەونە هەڵەیەکى قورسەوە ، لە لایەکى ترەوە ئێران کە ڕۆڵى دووەم یاریچى سەرەکى دەبینێت ڕوو بە ڕووى گوشارى عەرەبى بوەتەوە ، کە ئەگەر بە دیوێکى تردا بخوێنرێتەوە دەکرێت بڵین دابەزینى نرخى نەوت ، ئەگەر کارئەکتەرەکانى وڵاتانى عەرەبى بن بۆ گوشارخستنە سەر ئێران و لەگەڵیدا عێراقى داماو کە سەرچاوەى سەرەکیان نەوتە ، ئەوا دەکرێت بڵێن کارئەکتەرى سەرکى کە لە پشتى کەوالیسەوەیە ئەمریکایە ، کە بە دیوێکدا هاوپەیمانێکى شاراوەى ئێرانە دژى داعش و بە دیوەکەى تردا نایەوێت ئێران لەوە بەهێز تر ببێت لە ڕێگەى پلانەکانیەوە بە وڵاتانى عەرەبى ، سیاسەتى هێشتنەوەى هاوسەنگى)
بەردەوام هاوکێشەکان لە گۆڕانى خێرادایە ، پەیوەندیەکان لە سەر هێڵێکى بەرز و نزم و پچڕان و گرێدانەوە دەڕوات.... وەک:
پەیوەندى نێوان تورکیا و سعودیە و تورکیا و ئێران و تورکیا ئەمریکا لەسەر ئاستەکان.
بەشارد ئەسەد و نزمبزنەوەى بێدەنگى چەند ساڵەى وڵاتانى عەرەبى و ئێران ، تێکچونى پەیوەندیەکانیان زیاد لە جارێک لە ماوەیەکى کەمدا ، تورکیا و ڕوسیا و تورکیا و ئەمریکا.
ئێران و پەیوەندییەکانى لەگەڵ ئیسرائیل و ئەمریکا و بە پێچەوانەى ئاراستەى ئەم پەیوەندییانەوە لەگەڵ وڵاتانى خلیج.
کورد و کێشەى ڕۆژئاواى کوردستان و ناوخۆى تورکیا و پەیوەندیەکان و گرژییەکانى نێوان هەرێم و بەغداد.
پێشمەرگە و گەریلا لە لیستى تیرۆرەوە بۆ بەرەى ناتۆ و قۆناغى دووەمى شەڕ و درێژکردنەوە ئەم شەڕانە بە سیناریۆى ئەمریکا.
بەردەوامى مانەوەى دابەزینى نرخى نەوت و بەکار هێنانى هاوسەنگى دولایەنە سەبارەت بە ئێران.
بۆ ئەوەى بزانین ئەم هاوکێشانە کە وێنا دەکرێت بە تەونى جاڵجاڵۆکە ئاراستەکانیان و بەرزى و نزمیەکانى و بەکارهێنانى کارتەکان...... بەردەوام دەبێت لەگەڵیدا بگَوڕێین...
کورد بۆ ئەوەى یارییەکە بە ئاراستەى بەرژەوەندى خۆى بکات دەبێت بەردەوام ئاگاى لە گۆڕانکارییەکان بێت.