پلانی پاراستن دژی دکتۆر که‌مال میراوده‌لی
Thursday, 13/08/2009, 12:00
1691 بینراوە
وه‌ک ده‌زانن دکتۆر که‌مال میراوده‌لی سه‌رۆکی هه‌ڵبژێردراوی ڕاسته‌قینه‌ی کوردستانه که به مافی ڕه‌وای خۆی ئه‌و ده‌نگانه‌ی به‌ده‌ست هێناوه بێ ته‌زویر و ساخته کاری. به‌ڵام زۆر به‌داخه‌وه به یارمه‌تی خۆفرۆشان و دوژمنانی گه‌له‌که‌مان توانیان به فێڵ و ته‌زویر دوباره مه‌سعودی هه‌میشه خۆفرۆش و کورسی په‌رست بکه‌نه‌وه سه‌رۆکی هه‌رێم.
لێره‌وه ده‌مه‌وێت پلانێکی پاراستن و مه‌سعودی پلانگێڕتان بۆ بخه‌مه ڕوو.
که مه‌سعودو بنه‌ماڵه خیانه‌تکاره‌که‌ی گوێ بیستی ئه‌و هه‌واڵه بوون که گوایه دکتۆر که‌مال میراوده‌لی ده‌یه‌وێت خۆی بپاڵێوێت بۆ هه‌ڵبژاردنی سه‌رۆکایه‌تی هه‌رێم، ئه‌مه بووه جێ ی نیگه‌رانی مه‌سعود و بنه‌ماڵه‌که‌ی. بۆ ئه‌وه‌ی که بتواننن ده‌نگی ناڕازی دژ به مه‌سعود په‌رت و بڵاوه پێ بکه‌ن هاتن سه‌فینیان کرده دارده‌ستی خۆیان، که خۆی هه‌ڵبژێرێت بۆ سه‌رۆکایه‌تی هه‌رێم ، هه‌رچه‌نده سه‌فین هیچ له سیاسه‌ت نازانێت و ته‌نها خیبره‌ی هه‌یه له خیانه‌ت کارییدا. ئه‌مه نیوه‌ی پلانه‌که بوو.
نیوه‌ی دووه‌می پلانه‌که که زۆر گرنگه ئه‌وه بوو که سه‌فین هه‌ڵبستێت به ڕازی کردنی ئه‌و سێ پاڵێوراوه‌ی تر که بۆ پۆستی سه‌رۆکایه‌تی هه‌رێم خۆیان پاڵاوتوه، که ده‌ست له پاڵاوتنی خۆیان بکێشنه‌وه تا سه‌فینی پلانگێڕ له‌گه‌ڵ مه‌سعودی خیانه‌ت کار ته‌نها بمێننه‌وه بۆ پاڵاوتنی سه‌رۆکایه‌تی هه‌رێم.
به گوێره‌ی پلانه‌که قه‌رار بووه ئه‌گه‌ر دکتۆر که‌مال و هه‌ڵۆ ئیبراهیم و که‌سی سێ یه‌م ده‌ست بکێشنه‌وه له سه‌ر خۆ هه‌ڵبژاردن، ئینجا یاری سه‌فین ده‌ست پێ بکات. ئه‌ویش ئه‌وه بوو که سه‌فین ئاخر ڕۆژ مانای ڕۆژێک پێش هه‌ڵبژاردن خۆی بکێشێته‌وه له خۆپاڵاوتن بۆ هه‌ڵبژاردنی سه‌رۆکایه‌تی هه‌رێم.
ئه‌وکات ته‌نها مه‌سعود به یاسایی ده‌مایه‌وه و ئه‌گه‌ر ته‌نها ده‌نگێکیشی بهێنایه که ده‌نگی خۆی بێت ئه‌وا ده‌بوو به سه‌رۆکی هه‌رێم.
ئه‌م پلانه‌ش پوچه‌ڵ بۆوه له‌و کاته‌وه که دکتۆر که‌ماڵ ناڕازی بوو به کشانه‌وه‌ی له خۆ پاڵاوتن له پۆستی سه‌رۆکایه‌تی هه‌رێم.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
