لە دوای پێکهێنانی حکومەت ، پیلانە قیزەون و مەترسیدارەکەی ئەردۆگان دەست پێدەکات

دەرئەنجامەکانی هەلبژرادنەکەی تورکیا دەرکەوت و بە داخەوە  ئاکەپە سەرکەوتنى گەورەی  لە هەڵبژاردنى بەدەست هێنا کە جێگەی بروا نیە ، بە بەدەستهێنانى رێژەی 45.5% دەنگەکان  کە دەکاتە (317)  کورسى لە کۆى (550) کورسیى پەرلەمانى تورکیا پلەی یەکەمی وەرگرتوو دەتوانێت بەتەنها حکومەت دەست بکات، پارتى کۆماریى گەل (جەهەپە) ڕێژەى 25% ى دەنگەکان و (134) کورسى، پارتى دیموکراتیکى گەلان (هەدەپە)رێژەى 10.7% ى دەنگەکان و (59) کورسى و بزووتنەوەى نەتەوەپەرست (مەهەپە)ش ڕێژەى 11.8% ی دەنگەکان و (40) کورسیى بەدەستهێناوە. .

بێگومان ئەنجامەکانى هەڵبژاردن سەرکەوتنە بۆ ڕەجەب تەیب ئەردۆغان سەرۆک کۆمارى تورکیا و دامەزرێنەى ئاکەپە، چونکە توانیى لە دواى چەند مانگ جەنگ لە دژى "جەنگاوەرانى کورد"، بە بەڵێنى بنبرکردنی تیرۆر (کە مەبەستیان پەکەکە یە) و  سەقامگیرى ئەمنی دەنگى دەنگدەران بۆ لاى خۆیان (ئاکەپە)  ڕابکێشێت،ئەمەش دەبێتە هۆى زیاتر بەهێزبوونى لایەنى نەتەوەپەرستییانەى ئەردۆغانی فاشیست ،جونکە بەپێی دەرئەنجامەکان دەنگدەرانی تورکیا زیاتر لەگەل فاشیستی دان وەک لە ئاشتی و پێکەوە ژیان .

بۆیە لە دوای پێکهێنانی حکومەت ، پیلانە قیزەون و مەترسیدارەکەی ئاک پارتی کە  ئەردۆگان دارێژەریتی دەست پێدەکات ئەویش خۆی لە جیاکردنەوەی پەکەکە لە دۆزی کورد و پەراوێزخستنی پارتى دیموکراتیکى گەلان (هەدەپە) تا ئەو شوێنەی بتوانێت و هێنانە پێشەوەی هەندێک کەس کە هەر بۆ سوێند کوردن و دژی پەکەکە و گفتوگۆکردن لەگەل ئەمانە دا تا رای گشتی بێدەنگ بکات لە پیلانەکەی و بڵێت ئەوەتا پرۆسەی جارەسەری بەردوامە بەلام بەشێوەیەکی تر و لەگەل کەسانێکی تردا کە ئەوانیش هەر کوردن بەلام ئەمان تیرۆریست نین و پشتگیری تیرۆریش ناکەن (مەبەستی ئەوەیە کە ئەو کەس و لایەنانەی کە حکومەت گفتوگۆی جارەسەریان لەگەل دەکات نە پەکەکە و نە پشتگیری دەکەن وەک هەدەپە) ئەمە جگە لە  درێژەدان بە شەر لەگەل پەکەکە دا و گرتنی ئەندامەکانی پەکەکە و هەدەپە لە ناو شارەکان.

ئەمە پیلانەش ئەوەمان بیر دێنێتەوە کە چۆن بەعس هەندێک  کەس و لایەنی بردبووە پێشەوە پلە و پۆستی گەورەی پێدابوو وەک (تەها محێدین معروفی) جێگری سەرۆک کۆمار (سەدام حسێن) جەند کەسی تر کە نامەوێت ناوەکانیان بهێنم