ئایە ئەزانی کە خراپی ڕانکی پاسپۆرتی وڵاتەکەت ڕاستەوخۆ پەیوەستە بە خراپی گوزەرانی تۆی هاوڵاتیەوە ؟

بۆچی ڕانکی پاسپۆرتی عێراقی هەمیشە لەخوار ڕیزبەندی جیهانیەوەیە؟

»گەشەسەندنی ئابووری لاوازە ( بێکاری ، خراپی ئیدارەدانی وڵات ، کەمی خزمەتگوزاری ....)

»بەردەوام کێشە و ململانێی ناوخۆیی و چەکداریتان هەیە ( میلیشیاتان هەیە میلیشیا ) برادەران زۆر قەڵس ئەبن بەم ووشەیە .

»مەترسی و هەڕەشەی تیرۆرستی هەیە لەسەرتان ( خاوەنی سەربەخۆیی خۆتان نین هەرکەسێک دێت بەشەکەی خۆی ئەبات و ئەڕوات و درۆن و ساروخێکتان تێ ئەسرەوێنێ یان بە دەیان کیلۆمەتر دێتە خاکتانەوە هەر بە عەنتەری ) 

»کێشەی یاساییتان هەیە ( داد گا تان نیە ، ئێمەش ناتوانین ئیعتیرافتان پێ بکەین بۆ موجامەلە نەبێت ) .» هتد  

سیاسیەکانی وڵات چ ڕۆڵێک ئەبینن لە خراپی ئەم دۆخە و بۆچی هەوڵی باشکردنی نادەن ؟ ناتوانن یان بێ ئیرادەن یان ڕێگەیان پێنادرێت چاکی بکەن چونکە چاک بوونی عێراق واتە بێڕۆڵ بوونی هەندێ وڵات و کەمبونەوەی بازرگانی چەک و تەقەمەنی !

هاوڵاتی هۆشیار ئەبێت بەردەوام لە پرسیار و گەڕاندا بن بەدوای وەڵامە شاراوەکانی پشت شانۆی سیاسی و شانۆگەری پیاوانی دەسەڵات ، بەتایبەت لەڕۆژهەڵاتی ناوەڕاست و تایبەت تر عێراق و هەرێم ...

ئەگەر قەراربێت عێراق و هەرێم سەنتەری سەقامگیری وڵاتانی ڕۆژهەڵاتی ناوەڕاست بن ، بۆچی ڕانکی پاسپۆرتەکەی پلەیەک لەسەر و سفرەوەیە ؟ 

ئەتوانن لەجیاتی ئەو هەموو داواکاریە لە دەسەڵات و سیاسیەکان تەنها داوای چاککردنی ڕانکی پاسپۆرتەکەت بکەیت ، ئۆتۆماتیکی ژیانت باش ئەبێت .