((بەرسڤەك بو چاڤدیرەكى بى ویژدان))

Thursday, 24/09/2009, 12:00

1925 بینراوە

بەرى چەند روژەكان بابەتەك بناڤى (پاراستن ل دهوكى مادێن بیهوشكەر بەلاڤ دكەت) كو ژیرناڤى (چاڤدیرەك) ڤە ل سایتى كوردستان پوست بەلاڤ بویە . هەلبەت ئەڤ (چاڤدیرە) نە چاڤدیرەكى ب ویژدانە و نە ژى چ پیزانین لسەر وى بابەتى بەلاڤ كرى هەنە و نە ژى كاریە ئارمانجا خو كو (ناڤ زراندنا) كەسایەتییەكى رەوشەنبیر و خەباتكەر و زانست پەروەرى دەڤەرا دهوكى بدەست بینیت . بتنى ژەهرا خو رشتیە و عینادا خو یا كەسوكى ب ریكا سایتا كوردستان پوست دگەل ڤى بەریزى كریە بابەتەك گشتى . ئەڤجا نزانم وى ڤیایە دەزگەهى پاراستنى پى بشكینیت یان ژى كەسایەتیى یا بەرپرسى وى بشكینیت . ؟كو پتر سیمایین شكاندنا كەسایتى یا (د.عەلى تەتەر) ب بابەتى ویڤە دیارن .
ل دهوكى مە دو كەس ب ناڤى (على تتر نیروەیى) هەنە .
ئیك كەس ژوانا بناڤى (على تتر توفیق)د گوپیتكا پیشكەفتن و خزمەتكارى یا گەلى خو دایە و ماموستایى زانكویى یە و برواناما (دوكتورایى) د میژوویا گەلى كورد دا هەیە . كو بو زانین تیزا دوكتورایا خو بو جارا ئیكى ل زانكویا دهوكى ب زمانى كوردى نڤیسیە . هەر وەسان كەسەك زور نەتەوەیى و وەلات پاریزە و بەرنامین تایبەت لسەر هزرا نەتەوایەتى ل تیلەڤیزیون و رادیو و گوڤاران لسەر ئاستى كوردستانى هەیە . ئەڤ كەسە خەلكى هوزا (نیروەیى) یە . وژ گوندى (سینى) یە . بو زانین بنەمالا وى هەر دگەل شیخ عبدالسلام بارزانى د قادا خەباتى دا بوینە و باپیرى وى (توفیق بەگ) دگەل عبدالسلام بارزانى هاتبوو گرتن .
یى دیتر بناڤى (على تتر محمد على) یە ئەو ژى ژ هوزا نیروەى یا یە . لى خەلكى گوندى (بیرومان) و مالا وى ژى ل كومەلگەها (دومیز/سەربازگەهى) یە . مروڤەكى نەخاندەڤان و قاچاخچیە . و پتریا ژیانا خو ل قاچاخچیەتیا مروڤان و مادین بیهوشكەر و ل توركیا بسەر دبەت . دو ژن هەنە . لى هەر دو بناڤى (على تتر نیروەیى) ناڤدارن و ئەڤ لیك چونا ناڤان زور جاران بویە ئاریشە بو (د.على تترنیروەیى) حەتا زور جاران هندەك خەلكى گوتیە (ئەم تیناگەهین هندەك جاران دبیژن على تتر ئەڤ خرابیە كریە و هندەك جارین دیتر ژى ڤان بابەتان دنڤیسیت یان لسەر دەزگەهەكى راگەهاندنى بڤى ئاوایى بەركەفتى دئاخڤیت)
كەكى چاڤدیر : ئەگەرتە نییەتا پاكژى هەبایە و تە ڤیابا خزمەتا گەلى خو بكەیى و وى ژ ترسا مادین بیهوشكەر رزگار بكەیى . گەرەك بوو تە پیچەك دیڤ چونا ڤى بابەتى كربا و چنەبا , تە هەر دو (على تتر) ژیك جیاواز كربانە . ئەز باوەرەم جارەكى تە ناڤى ( على تتر) بهیستیە . هەما یەكسەر تە هزر
كریە ئەڤە (ئەوعلى تەتەرى ناڤدارە)و ئەڤ بابەتە تە نڤیسیە و بو باوەریا پتر چەند ناڤەكین دیتر ژى لسەر زیدە كرینە . كو براستى ژى ئەڤ چەندە جهى شەرمزارى یە . كو هەم د یاسایى دا ئەڤە تاوانە و یاسایا سازایا عیراقى وىب (القژف) ناڤ دبەت و زیندان كرن بوهەیە . و هەم د شەرع و عورف و كەلتورى گەلى مەدا ئەڤ كارى تە تاوانەكا مەزنە . كو ناهیتە بەخشین .
ئیرو (د.عەلى تەتەر) دو ئەركین زور مەزن دگیریت . هەم بەرپرسى ئاژانسا پاراستنا پاریزگەها دهوكى یە . كو ئەو ژى پاراستنا ئیمناهى یا كوردستانى نەخاسمە ئاسایشا نەتەوەیى یا كوردستانى یە كو دژایەتى كرنا مادین بیهوشكەر ئیك ژ ئەركین ویین سەرەكى یە و بو ڤێ چەندێژى خزمەتەكا ئیكجار زورا مەزن كریە د دژایەتى و راوە دونان و نەهیلانا هەم قاچاقچى و هەم ژى بكار بەرین ڤان مادان . ژ ئالیەكى دیتر ژى ڤە خزمەتا زانست و پیگەهاندنا ریڤیشتەكا نەتەوەخاز و وەلات پاریز ل زانكویا دهوكى دكەت .
ئەڤجا نوزانم بوچى ئەڤ ناڤ زراندنە و بوچى ئەڤ كەربە ل كەسایەتییەكى هوسا لجەم تە هەیە . ؟ كو بباوەرا من بتنى عینادەكا كەسوكى یە و تشتەكى دیتر نینە
لى بو ریڤەبەرین سایتى كوردستان پوست ژى زور پیدڤى یە نەبنە مینبەرا تول ڤەكرنیت كەسوكى و جهى ناڤ زراندنا كەسایەتییان . و گەرەكە پتر كونتورلى لسەر بابەتان بكەن . دا هەر دەم جهى باوەرو ژیدەرى پیز انینن خاندەڤانان بیت.