نیشتمانی من
Thursday, 13/11/2014, 12:00
4413 بینراوە
من، نیشتمانێكم هه‌یه
پڕییه‌تی
له‌به‌شینه‌وه‌ی
ڕق!.
نیشتمان بمووره
له‌گه‌ڵ هه‌نگاوه‌کانمدا
مینه‌کان ده‌ته‌قن،
تۆپ هاوێژه‌کان
کوێرایی ده‌به‌شنه‌وه...
له‌ته‌قینی مینه‌کان پێما
ده‌ریاش پڕ ده‌بێ
له‌خومار!.
جیوتیش* ناتوانێ
هه‌نگاوه‌کانی
سبه‌ینێیه‌ك دیاری بکات.
که‌مارا **گه‌یشت
ئیتر،
نیشتمان پڕ ده‌بێ
له‌خوێن و
گه‌مژه‌کان
هه‌نگاوی سبه‌ینێمان
ئه‌گێڕنه‌وه بۆ دوێنێ.
ئه‌ی گه‌مژه!
چیتر به‌پۆستاڵه‌کانت
سبه‌ینێی من و
دوێنێی خۆت و
ئه‌مڕۆی نیشتمان، له‌یه‌ك مه‌ده.
*جیوتیش: ئه‌ستێره‌ناس.
**مارا:خوداوه‌ندی تاریکی، وه‌شه‌یتان لای ئایینه سامییه‌کان
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
