پرسنامه (ژ بۆ ئیحسان فه‌تاحیان کو 2009.11.11 ل باژیڕێ سنه هاته سێداره دان)
Sunday, 15/11/2009, 12:00
1813 بینراوە
ببوره ته‌نوک دزانین
شوناسناما ته کوردییه
ئاخا کرمانشان
"لاندکا باژێڕستانێ"
ب داخ ته‌رمێ ته
ل ئامێز گرتییه
ب وان به‌لگێن خش خش کرین
ل بن هنگاڤێن ته
ب وێ ڕۆژا
هێش هه‌لـتێتن بێ ته
داخبارین ژ بێ سه‌خبێرییا
ڕاگه‌هاندنێن کوردی
گه‌ره‌ک گۆتبان
پشتچه‌میایێ بابێ ته
هه‌ژارێ کیشک کوندییه؟
ئه‌و دایکا وه‌ک کۆرپه‌له
نه‌هـ هه‌یڤان تو پاراستی
ئانکو ب چچکێ خۆ
تو تێر کری
دلۆری لۆری
پر سۆز، هنده‌ک جاران
ب ده‌نگه‌کێ خه‌والۆ تو ژیر کری
ناڤێ وێ چیه!
یانژی برا و خشکێن ته کینه
ته کیشک شرین
هێلا بێ فه‌رهاد
بێ مراز و چۆک شـکه‌ستی
ل کورده وه‌ڵات؟
بزانه، بزانه
ل ڤێ خه‌باتا ڕه‌شـبه‌له‌ک
ل هه‌ر پێنچ پارچان
ملله‌ت ب هه‌وه شانازیێ
دکه‌ت گه‌له‌ک
لێ ده‌ستهه‌لاتدارێن
بێ ویژدان
ژ بۆ به‌رژه‌وه‌ندییا خۆ
خینـگه‌رم، بنده‌ست و ئازادیخازان
دفرۆشن ئه‌رزان
به‌رێ هنده‌کان د ده‌نه سێداره
ئاڤرۆیێ پشکا مایی
شاباش دکه‌ن ژ بۆ پاره
هه‌ژارینۆ، سته‌م نۆشینۆ
ماف خازینۆ، پابه‌ند شکێنینۆ
به‌سه، به‌س بخاپن
ب ڤان سه‌رکرده‌یێن خه‌باتگێر
خۆ ژ وان قۆرتال که‌ن
هینگێ دوژمن ژی نه‌چارن
ب چاڤێن ریز ل مه
بنێڕن تێر
دیسا ببوره
ڕاگه‌هاندنێن کوردی گه‌له‌کن
مخابن
های ژ یێن وه‌ک ته نینه
ب گه‌نده‌ڵی و ململانێ
ته‌ڤ سنوور به‌زاندینه
فه‌رهه‌نگوک
سه‌خبێر: چاودێر
چچک: مه‌مک
بخاپن: هه‌ڵخه‌ڵه‌تێن
های: ئاگا
2009.11.13
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
