چه‌ند ئاغاوده‌ره‌به‌گ مه‌ئافراندن!!
Friday, 25/12/2009, 12:00
1334 بینراوە
پشتی خه‌باته‌ک دورودرێژ، تژی ئێش و ئازارو بخوین ژگه‌له‌ک ئالانڤه، دروشمێن ره‌نگاوره‌نگ، دژی رژێمێن خویناوی و که‌سێن به‌رژه‌وه‌ند پارێزو بکار خستنا که‌سێن ساکار بو
مه‌به‌ست و مه‌ره‌مێن تایبه‌ت و سێلماندنا گه‌نجێن وه‌لاتی ژئالێ وانڤه بوخزمه‌تکرنا رژێم و نه‌یارێن مله‌تێ کوردڤه . پشتی نه‌مان و لاوازییا ڤان رژێمان، مه هه‌مان رێباز گرته‌به‌ر
و ئه‌و کرێگرتییه ژ زور لایانڤه هاتن خه‌لاتکرن وهاتن پاراستن و گونه‌هێن وان هاتن شوشتن, بهه‌زاره‌ها ئاغاو ده‌ره‌به‌گ مه ئافراندن و چینێن جیاواز هاتن په‌یداکرن کو بدرێژییا
چه‌ندین سالێن داهاتی هه‌ڤسه‌نگییه‌گ مه‌زن په‌یدا بیت دناڤبه‌را خه‌لکێ مه‌دا.
که ئه‌و که‌سێن زورده‌ستی و ره‌ڤ و نه‌خوشی دیتی و نه‌هاتین خاپاندن و کرین، ئه‌ڤروژی هه‌ر د لاوازن و دهێن هێدیکرن بچه‌ند ئاخفتنێن سڤک و بێ بن
شوینا که‌ساتییا کورد بهێت ئاڤاکرن، هاته گرێدان و ئاسێکرن
ژبه‌رهه‌ڤرکانێ ومڵمڵانێ و دوبه‌ره‌کی په‌یداکرن دناڤ چینێن جڤاکی دا
هه‌روه‌کی دیار چاڤێن وان و دڵێ وان بتنێ یێ ل گه‌نده‌لی و مروڤکانێ و هه‌ڤرکانێ ژبو چێکرنا ڤله و قه‌سرێن خه‌یالی و بێ بهارکرنا پترییا خه‌لکی ژبه‌رهه‌مێ خوین و ماندیبونا ده‌هان سالان،
هیڤیێن هه‌زاره‌ها ژخه‌لکێ هاتن بنئاخکرن و داقورچاندن. روژ بروژ ده‌ستکه‌فتێن مه ژده‌ست دهێنه دان خه‌لکێ مه بێهیڤیتر دبیت، چونکی به‌رێ هه‌رکه‌سی لبه‌ژن و باڵێ وییه و دلسوزی و پیروزییا
وه‌لاتی بونه قوربانێن ده‌ستکه‌فتێن تایبه‌ت.
ل شوینا راکرن و په‌روه‌رده‌کرنا نڤشه‌ک مله‌تپه‌روه‌ر و خه‌مخورێن ئازادی و ئاخ و نیشتیمانێ خوه. مه که‌سێن هێژاو ژێهاتی ل پاشهێلان ، به‌رژه‌وه‌ندیێن که‌س و گروپێن تایبه‌ت، دلسوزێن مه ببالخوڤه
کێشان و خه‌لکێ مه هاته خرابکرن و سێلماندن. ئه‌وژی ژبه‌ر چه‌ندین ئه‌گه‌را:
مینا هه‌رکه‌س کاره‌ک ده‌سبکه‌ڤه ببه مالخێ مالێ، زالبون و ده‌ست بسه‌رداگرتنا گروپان بو هه‌می کاروبارێن ناڤخو، نه‌بونا لدیڤچونان و رێخوشکرن ژ ئالیێ به‌رپرسانڤه بو بکارئینانا ده‌سته‌لاتێ به‌رته‌نگ و تایبه‌ت.
نه‌بونا چ سیسته‌مێن تایبه‌ت و نه‌په‌روه‌رده‌کرنا رێڤه‌به‌رو کاربده‌ستان.
ده‌مه‌ک دورو درێژپێدڤییه و گوهرینێن مه‌زن دڤێت بهێن کرن داکو ئه‌ڤ بوشاییه بهێن تژیکرن و جڤاکێ مه بهێت هشیارکرن و په‌روه‌رده‌کرن بره‌نگه‌گ شارستانی و خه‌ما وان ببیت راستی و خزمه‌وان ببیته خزمه‌ته
گشتی دور ژلایه‌ن و گروپێن به‌رژه‌وه‌ندپارێزو هزربه‌رته‌نگ
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
