ڕونکردنه‌وه‌یه‌ك له عه‌مید به‌مۆ هاواریه‌وه بۆ کوردستانپۆستی به‌ڕێز.
Thursday, 09/07/2009, 12:00
1709 بینراوە
به‌ڕێزان ستافی کوردستان پۆست دوێنێ له‌سایته‌که‌تاندا بابه‌تێکم بینی که له‌سه‌ر من بڵاو کرابووه‌وه که‌سێك باناوی مولازمێکه‌وه نووسیبووی کۆمه‌ڵێك درۆو بوختان و زانیاری نا درستی له‌سه‌ر من نوسیبو. منیش به پێویستم زانی که ئه‌م ڕونکردنه‌وه‌یه بۆ ئێوه‌ی به‌ڕێز بنێرم تاکو ڕاستیه‌کان بخه‌مه ڕوو ئه‌و هه‌ڵانه ڕاست بکه‌مه‌وه که له‌سه‌ر من داڕێژرابوون.
1/ ئه‌و به‌ڕێزه نووسیویه‌تی هێزی پێشمه‌رگه له ترسی نه‌وشیروان له ئینزاردایه ئه‌و هه‌واڵه دووره له‌ڕاستیه‌وه‌و شتی وا له ئارادا نیه.
2/ ئه‌و نووسیویه‌تی که گوایه من به‌رپرسی به‌شی زانیاری و ڕابه‌ر سیاسی سه‌رۆکایه‌تی ئه‌رکانم ، من ته‌نها به‌رپرسی به‌شی زانیاریم وه کۆبونه‌وه‌یشم له‌گه‌ل هیچ که‌تیبه‌یه‌کدا نه‌کردووه وه به هیچ سه‌ربازێکیشم نه‌وتووه ئه‌تده‌مه به‌ر شه‌ق ئه‌تنێرم بۆ گرده‌که،کۆبونه‌وه ئیش ڕابه‌ر سیاسیه نه‌وه‌ک زانیاری.
3/ به وته‌ی ئه‌و مولازمه گوایه من سوکایه‌تیم به به‌ڕێزان کاک مسته‌فای سه‌ید قادرو کاک عوسمانی حاجی مه‌حمود کردبێت من هه‌رگیز بێ ڕێزی به‌و دوو هه‌ڤاڵه نه‌کردوه‌و وه‌نایشی که‌م هه‌رده‌م برا گه‌وره‌ی منن.
4/ ئه ده‌لێت من گه‌نده‌ڵم وه گه‌نده‌ڵیه‌کانم به دیکۆمێنت ده‌سه‌لمێنێت من زۆر بێ منه‌تم له‌و ڕوه‌وه با به‌ڵگه بهێنێت، من خۆم دژی گه‌نده‌ڵکاری و گه‌نده‌ڵکارانم.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
