ئەرێ ئەم برادەرانەى ئێمە لە بەغداد چى دەكەن.
Monday, 16/11/2009, 12:00
1615 بینراوە
كاتێ یاساى هەڵبژاردنەكان لە عێراق پەسەند كرا بردادەرانى كورد لە بەغداد وا باسیان دەكرد وەكو ئەوەى دەستكەوتێكیان بە دەستهێنابێ لە كاتێكدا تەنها شەڕەكەیان شەڕێكى بەرگریكارانە بوو بۆ ئەوەى كەركوك ڕەوشێكى تایبەتى نەبێ كە لە ڕاستیدا ئەو داوایەى عەرەبەكان و توركمانەكان دەیانكرد هیچ لۆژیكێكى تێدا نەبوو، كورد نە توانییەى یەك بازنەیى بسەپێنێت كە ئەمە ئەگەر بكرایە شتێكى باش دەبوو نە توانییەى سیستەمى داخراو بسەپێنێت كە سەركردەكانى كورد بە تەماى ئەوە بوون، لە هەمویشى سەیرتر بێ ئاگایى برادەرانى ئێمەیە لە بەغداد كە نازانن لەوێ چى ڕوو دەدات، تەنها پارێزگاى موسڵ چوار ئەوەندەى سلێمانى و هەولێرو دهۆك كورسى بۆ زیاد كراوە ئەمە لە كاتێكدا خەڵكێكى زۆرى ئەو شارە ئاوارەى دهۆك وهەولێرو سوریاو ... بوونە، ئەگەر كار ئاوا بڕوات ئەوە لە پەڕلەمانى ئایندەى عێراقدا ڕۆڵى كورد تەنها ئەوە دەبێت ئەگەر تیندوى بووى هەندێك ئاوى سارد هەڵقوڕێنێت.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
