خۆپیشاندانه‌كه‌ی ئه‌مڕۆی به‌غدا و چه‌ند وانه‌یه‌ك

له‌گه‌ڵ بوونی چه‌ند سه‌رنجێكم له‌سه‌ر ڕوداوه‌كانی به‌غدا كه‌ له‌دواییدا باسی له‌سه‌رده‌كه‌م به‌ڵام له‌ ئێستادا به‌پێویستی ده‌زانم باس له‌چه‌ند وانه‌یه‌ك بكه‌م له‌و ڕوداوانه‌ی ئه‌مڕۆی عیراق.

١- به‌هه‌زاران خۆپیشانده‌ر چونه‌ ناو بینای په‌رله‌مان بێ ئه‌وه‌ی دڵۆپێك خوێن بڕژێ نه‌ له‌ هێزه‌ ئه‌منیه‌كان نه‌ له‌ خۆپیشانده‌ران، ده‌ هێزه‌ ئه‌منیه‌كانی خۆمان وانه‌یه‌ك فێربن خوێنی مرۆڤ گرنگتره‌ له‌ كه‌ل وپه‌ل و بینا.!

٢- له‌ناو ئه‌و هه‌زاران خۆپیشانده‌ره‌ كه‌سێك ده‌ستی نه‌برد بۆ دارێك به‌ردێك جامێكی نه‌شكاند شتێكی نه‌ سوتاند ، ده‌ هاوڵاتیان و گه‌نج و لاوانی كوردستان وانه‌یه‌ك فێربن كه‌ل و په‌لی حكومه‌ت موڵكی گشتین له‌كاتی خۆپیشاندانه‌كان ده‌ست بۆ هیچ مه‌به‌ن .

٣- ده‌زگاكانی ڕاگه‌یاندن زۆر ئازادانه‌ ڕوماڵی ڕوداوه‌كانیان ده‌كرد بێ ئه‌وه‌ی به‌ڵته‌ جیه‌ك و حزبیه‌ك و كۆیله‌یه‌ك ده‌ستیان بۆ درێژبكا.

٤- عیراقیش كێشه‌ی ناوخۆ و ده‌ره‌كی و شه‌ڕی دژی داعشی هه‌یه‌ به‌ڵام صدر پیاوانه‌ سواری شه‌پۆلی ناڕه‌زایه‌تیه‌كان بوو بێ ترس ، ده‌سه‌ركرده‌ ئۆپۆزسیۆنه‌كانی پێشوی ئێمه‌ چیتر سیاسه‌تی دووفاقی په‌یڕه‌و مه‌كه‌ن له‌ژێره‌وه‌ حه‌زتان له‌ده‌سته‌ڵاتبێ له‌سه‌ره‌وه‌ش خه‌ڵكی فریوده‌ن ده‌رسێك له‌ موقتدا فێربن.

٥- بۆ ده‌سته‌ڵاتدارانی هه‌رێم زه‌نگێكی باشه‌ گه‌ر ده‌رسی لێ وه‌ربگرن ڕۆژێك دێت خه‌ڵكی هه‌ژار له‌دژتان ڕاپه‌ڕێ.