دامەزراوەی گالوبی نێودەوڵەتی راپرسییەکی گرنگ ئەنجام دەدات

Wednesday, 04.14.2021, 17:33

927 بینراوە


دکتور منقذ داغر ئەندامی ئەنجومەنی ئیدارەی دامەزراوەی گالوپی نێودەوڵەتیە ، لە دیمانەیەکیدا لەگەڵ کەناڵی 'التغییر' دەڵێت: راپرسییەکامان ئەوا بۆ ١٨ ساڵە بەردەوامە لە ناو خەڵکیدا ئەنجامی دەدەین. دامەزراوەی گالوپ ، دامەزراوەیەکە جێگای متمانەیە لە جیهاندا.
زۆر هێلکاری وداتای گرنگی هێنا زمان ، یەکێ لەو داتایانە راپرسی بوو بۆ دامەزراوەی دادوەریی لە تەواوی عێراق  بە هەرێمۆکەکەی باشوری کوردستانیشەوە.
لە هێلکارییەکە دیارە کە ژمارە و ساڵەکانی تێدایە ، راپرسییەکان لە کات و شوێنی جیاوازەوە بۆ چەندین ساڵە  ئەم رێکخراوە ئەنجامیداوە ، ئەوەی سەرنجی لێدەدرێت ئەوەیە کە خەڵکی کوردستان هیچ متمانەیەکیان بە سیستەمی دادوەریی لە کوردستان نییە .
کاتێ لە ولاتێکدا سیستەمی دادوەری گەندەڵ وکۆنترۆڵکراو دەبێت لەلایەن دەسەلاتەوە ، ئیدی تیرۆر، هەژاریی ، ناعەدالەتی کۆمەلایەتی و نەخۆشی و نەخوێندەواریی و دەیەها دەردی دیکە روو لە وڵات دەکات ، لە هەمووشی زیاتر ئاسایشی هاوڵاتی دەکەوێتە مەترسی جددییەوە.
بە گوێرەی ئەم هێلکارییە لە ٢٠٠٧ دا، ٦٩٪خەڵکی کوردستان متمانەیان بە سیستەمی دادوەری بووە ، بەواتا هەر سەد کەس ٦٩ کەس متمانەیان پێهەبووە ، کە ئەمەش کارەساتە ، چونکە عەدالەت لێی کەم ناکرێتەوە دەبوو ١٠٠٪ بێت یا لانی کەم ٩٥٪ بوایە ، دواتر بەمەش ناوەستێت لە ٢٠١٨ دەبێتە ١٩٪ ، کە ئەگەر داتای ٢٠٢١ هەبوایە ، پێشبینی دەکەم لە ٥٪ کەمتریش بێت.
دوای ئەو سیناریۆ فاشیلانەی حکومەتی تەزویر، کە بە بەناو دادگاکانی هەولێر ودهۆکی کرد ودەیکات دەرهەق بە ئازادیخوازان و رۆژنامەوانانی بادینان وهەولێر ، خەڵکی هیچ متمانەیەکیان بە دادگاکان و سیستەمی دادوەری نەماوە ، خەڵکی گەیشتونەتە ئەو باوەڕییە کە سیستەمی دادوەری بەکاردەهێنرێت بۆ سزادانی خەكڵکی نارازیی وئازادیخوازان و، پاراستنی تیرۆریستانو و تاڵانچییان لە دەسەلات. خۆ هەموو دیمان لە کەیسی تیرۆری دکتور غالب محمد چۆن دادگاکان هیچکران و ، تیرۆریستان پارێزران.