بانگەوازێکی‌ بەپەلە بۆ دانیشتوانی شاری سلێمانی

خەمخۆران و دڵسۆزانی شارەکە.. ماوەیەکە گروپێکی مافیای حکومی بەسەرپەرشتی قوباد تاڵەبانی و بەچاوپۆشی حکومەت و خودی مەسرور بارزانی، هەڵمەتێکی داگیرکردنی موڵکی گشتی دەستی پێکردووە کە بەدرێژایی دوو سەد ساڵی ڕابردودا وێنەی نەبوە.

داواکارین لە خەڵکی بەهەڵوێست، ڕۆشنبیران، نوسەران و دەزگە ڕاگەیاندنەکان کە ئەم دۆسیەی داگیرکاریەی موڵکی گشتی بجوڵێنن و داواکاری گشتی بێتەسەر خەت چونکە موڵکی میللەتە.

تائێستایش ئەم شوێنانە داگیرکراون

یەکەم: سەدان دۆنم زەوی دەوروبەری پارکی هەواری شار بۆ شوقە و ڤێلای نیشتەجێبوون بەنرخی خەیاڵی ئەفرۆشڕێن.

دووەم: شوێنی گەڕاجی پاسی مەسڵەحە لە پەنا مەڵبەند بۆ پڕۆژەی شوقەکانی دڵی شار.

سێیەم: شوێنی نەخۆشخانەیەک بۆ مناڵانی داون بۆ شوقەکانی کەڵینان تاوەرز

چوارەم: شوێنی سایلۆی گەنم بۆ شوقەکانی ئیمریال تاوەرز

پێنجەم: شوێنی گەراجی بەغدا

شەشەم: شوێنی مەیدانی ئاژەڵان بۆ پڕۆژەی ئەوین سیتی دوو.

حەوتەم: بەشێک لە پارکی هەواری شار بۆ کۆمپانیای بەهادین کە کۆنکرێت دابین دەکات بۆ پڕۆژەکانیان.

هەشتەم: شوێنی بەنداوێکی دەستکرد لای قەیوان بۆ پڕۆژەی ڤێلاکانی قەیوان ڤیلیج

نۆیەم: شوێنی کارگەی چیمەنتۆی سەرچنار بۆ پڕۆژەی شوقەکانی سەرچنار سیتی

دەیەم: شوێنی پارکی گەوڕەی مناڵان بۆ پڕۆژەی خانوی ژیانەوەسیتی.

یانزدەیەم: کۆمەڵیک زەویی گرانبەها لەسەر شەقامە سەرەکییەکان بۆ کردنەوەی چەندین مۆڵ کە هیچ داهاتێکی بۆ حکومەت و شارەکە نییە.

لە ئایندەیشدا وردەکاری زیاتر بڵاوئەکەینەوە.

داواکارین لە خەڵکی بەهەڵوێست ئەم داگیرکارییە فراوانەی موڵکی گشتی قبوڵ نەکەن، بێدەنگی ئەندامانی ئەنجومەنی شارەوانی و پارێزگایش مایەی شەرمە دەرهەق بەم گەندەڵییە گەورەیە.

لە ڕۆژانی داهاتودا هەڵمەتی ئیمزاکردنەوە و کۆمەڵێ چالاکی مەدەنی ئەنجام ئەدەین.

(دەستەیەک لە خەمخۆڕانی سلێمانی)