رابوون

Sunday, 13/03/2011, 12:00

1338 بینراوە

نامترسێنێ زەبرو زەنگ شاكاری عەشق لە ڕۆحمــــــــایە
تـــــا مردن تابلۆیەكــــــــــــم هــەزاران پیرۆزیم تیــــــایە

لە ناخما پێكی گریـــــان دەكــــــــەم ڕێچكـــەی ئـــــــاواتم
پــــــــــڕ بە بـــــــاڵاى نیشتمــــانم تامــەزرۆی خۆرهەڵاتم

ئارام دەگرم وزەو توانـــــــــام دونیایەكــــــــــی نەبڕاوەیـە
ڕەنگی بەرخوردانم گرتووە ژیلەمۆم هــەر نەكوژاوەیــــە

هیواكـــــــانم ڕام دەژەنن بـــــــەرەو ئایندەیەكـــــــی ڕوون
بە خۆزگەو خواستی دڵەوە دەتوێمەوە بۆ ســــــاتی بوون

لە گەروما ناكوژێتەوە ســروودی ئــــازادیو ژیــــــــــــــان
تــــــا ســـروەی ئـــاواز بمێنێ ئەوینێكـــم لە كسپــەو ژان

تریفەی بیرو ڕابوونم چڵو چرۆی جوانو ســـــــــــــەوزە
هەر ئەو نیشتمان پەروەرەم خاكو خۆڵــــم لا پیــــرۆزە

دەست بەرداری ئازادی نیم سەر لە نوێ كڵپەم سەندووە
سەدان كۆسپ بێتە سەر ڕێم دروشمی عەشــقم زیندووە