وا ڕاش بکەیت لە ئاگری ئەوان، ئەوە ئاوی دەریای ئیژە دەتخنکێنێت

Saturday, 01.18.2020, 17:57

1968 بینراوە


بەداخەوە، هێشتا ئێجگار زۆری ماوە کوردی ئێران و برادەرانی هەر بێژی(کوردی سووریە) لە بێشەرەفی مودێلی پڕاوپڕی حکومەتی دیوەخانی ـ عەشاییری کوردیی (کوردستانی عێڕاق) تێبگەن....!
خۆشبەختانە، تەنیا قارداشلەری تورکیا بە سڵامەت ڕزگاریان بوو لە بەزمی ئەی ڕەقیب....!
وەک مەحموود دەرویش، شاعیری عەڕەب دەڵێت: " الوطن للأغنیاء و الوطنیة للفقراء" وڵات بۆ ئەوان(دەوڵەمەندان) و خۆشەویستی وڵات و وڵاتپارێزیش بۆ (فەقیر و هەژار)کۆیلە و پێشدەرکەی بێ مووچە و مەعاش و مرۆڤی داماو و ساویلکە و لاکەوتە....!
دەی مادام وابێت و نیشتمانێک پێم نەبەخشێت خێر و خۆشی، بە خوێڕیترین داگیرکەری دەفرۆشم و هەر خۆم وەک کاوڕی گێژ دەگەڵیان کەوڵی دەکەم....!

وڵاتێک تووتکە بەگ و پەرلەمانتاری دز و قەحپە سەرکردەی بن، حەقە بڕووخێت و کاول بکرێت و کەژ و چیای بە قەپۆزی بەراز بنکۆل بکەیت....!
ئەوەی لە ڕۆژانەی خەڵکی کوردستانی عێڕاق دەیبینم و دەیبیسم، ڕێک حیکایەتی عەقڵی کۆیلەکەی ناو کتێبی سینۆهەم بیردەکەوێتەوە....!
مخابن، وەرە ژن و ماڵ و منداڵ و ئەخلاق و کلتوور و ڕەز و باخت ببن و هەمووشتێک قۆرخ بکەن بۆخۆیان، هێشتا تۆ دۆعای خێریان بۆ بکەی و خۆت بە قەرزداری خوداوەندەکانیان بزانیت و ڕێز لە تڕاویلکەی ئەی ڕەقیب بگریت و کاوێژی بکەی....!
بمکوژن، لەت لەتم کەن هێشتا کوردم ئەمن، ڕێک یانی کۆیلەی بەگلەر و عەشاییر و خۆگەوجاندن تاوەکوو وەک کەر تۆپین....!
کەی ئەو ڕۆژە دێت لە ئێسک و پرووسکی شۆڕشگێڕە ڕاستەقینەکان چەک و تەقەمەنی درووست بکرێت و لە هەر کوێیەک قەبری ڕێبەری سێبەرە و کۆشک و تەلانی بەرپرسە و ماڵی شەهیدی بندیوارە، بەسەریاندا بڕووخێندرێت....!
بۆ پێشەوە...پێشمانکەوە....هەی....




(دەنگدراوە: 6 . زۆرباشە: 3.5/5)